Home Health சப்புகொட்டி தக்காளி சாஸ் சாப்பிடற ஆளா நீங்க, இதைப் படிங்க

சப்புகொட்டி தக்காளி சாஸ் சாப்பிடற ஆளா நீங்க, இதைப் படிங்க

இன்றைய நவீன கால கட்டத்தில் குழந்தைகள் முதல் பெரியவர்கள் வரை அனைவரும் விரும்பி சாப்பிடும் ஒரு சைடிஷ் என்றால் அது தக்காளி கெட்- சப் தான். பாஸ்தா, பீட்சா, பிரட் டோஸ்ட், பிரட், ஃப்ரெஞ்சு ஃப்ரை, தந்தூரி சிக்கன், பர்கர் என எல்லாவற்றுக்கும் சிறந்த காம்பினேஷன் தக்காளி கெட்சப் தான். இதை தாண்டி சிறிய அளவு சமோசா என்றால் கூட அதற்கு தொட்டு கொள்ள, தக்காளி சாஸ் இருந்தே ஆக வேண்டும்.

ஆனால் இந்த தக்காளி கெட்ச்அப்பை எப்போதாவது எடுத்துகொள்வது பிரச்சனையில்லை. ஆனால் அடிக்கடி நம் உணவில் சேர்த்து வருவது நம் உடலுக்கு நிச்சயம் நன்மை கிடையாது. இந்த கெட்ச்அப்பால் உடல்நல பிரச்சினைகளை சந்திக்க நேரிடும் என எச்சரிக்கிறார்கள் ஊட்டச்சத்து நிபுணர்கள். அப்படி இந்த தக்காளி கெட்ச்அப்பால் ஏற்படும் தீமைகள் குறித்து அறிவது அவசியம்.

​சுவைக்கு தக்காளி கெட்ச் அப்

தக்காளி கெட்ச்அப் பூஜ்ய மதிப்பை கொண்டுள்ளது. இப்போதெல்லாம் இந்த தக்காளி கெட்ச்அப் பாட்டில் இல்லாத வீடுகளே இல்லை எனலாம். இந்த சுவையில் மக்கள் மயங்கிதான் இருக்கிறார்கள்.இது துரித உணவுகளுக்கு ஏற்ற சைட் டிஷ் என்பதோடு பெரும்பாலோனோர் விரும்பும் உணவு வகைகளும் துரித உணவுகள் தான்.

துரித உணவுகளுடன் எப்போதும் தக்காளி கெட்ச்அப் உங்களுக்கே தெரியாமல் ஏகப்பட்ட தீமைகளை கொண்டு வருகிறது. உண்மையில் தக்காளி கெட்ச்அப் -பில் ஊட்டச்சத்துக்களை காட்டிலும் இரசாயனங்கள் மட்டும் தான் உள்ளன. தக்காளி சாஸை அதிக முறை பயன்படுத்துவது உங்களுக்கு நீரிழிவு நோய் மற்றும் உடல் பருமன் போன்ற பிரச்சினைகளை உண்டாக்கும். அது மட்டுமல்ல ஏன் சுவையான தக்காளி சாஸை நீங்கள் தவிர்க்க வேண்டும் என்பது குறித்தும் தெரிந்துகொள்வது அவசியம்.

​வினிகர் மற்றும் சர்க்கரை

தக்காளி கெட்ச் அப்பில் சேர்க்கப்படும் வினிகர் உடல் ஆரோக்கியத்துக்கு நன்மை தரக்கூடியதல்ல. இது ஜிஎம்ஓ சோளத்தில் இருந்து தயாரிக்கப்படுகிறது. இது இரசாயனங்கள் மற்றும் பூச்சிக்கொல்லிகளால் ஆனது. எனவே தக்காளி சாஸ் சாப்பிடுவது உங்களை ஆரோக்கியமற்றதாக ஆக்கும்.

அதிலும் அளவுக்கு அதிகமாக எடுத்துகொள்வது நிச்சயம் கேடு தரும். சிலர் வீட்டில் தக்காளி கெட்ச் அப் இப்போது இட்லி. தோசை, சப்பாத்தி, சேமியா உப்மா போன்றவற்றிலும் அதிகம் பயன்படுத்துகிறார்கள் என்பது குறிப்பிடத்தக்கது.

​தக்காளி அளவு

தக்காள் கெட்ச் அப் தயாரிக்கும் போது நிறைய தக்காளியின் விதைகள் மற்றும் தோலை அகற்றி தக்காளி சாறு வடிகட்டப்பட்டு மீண்டும் சமைக்கப்படுகிறது. இது பல மணி நேரங்களுக்கு மேல் நடைபெறுகிறது. இதை மிக உயர்ந்த வெப்பநிலையில் சூடாக்குவதால் தக்காளியில் உள்ள அனைத்து விட்டமின்களும் சத்துக்களும் தாதுக்களும் நீக்கப்படுகிறது.

​உயர் பிரக்டோஸ் சோளம் சிரப்

தக்காளி கெட்சப்பில் உள்ள முக்கிய மூலப்பொருள் உயர் பிரக்டோஸ் சோளம் சிரப் ஆகும். இது உடலுக்கு ஆரோக்கியமற்றது மற்றும் நச்சுத்தன்மை கொண்டது. இது மரபணு மாற்றப்பட்ட சோளத்தில் இருந்து தயாரிக்கப்படுகிறது. இதில் சேர்க்கப்படும் சோளம் சிரப் நம்முடைய இரத்த சர்க்கரை அளவை அதிகரிக்கிறது.

இதனால் அதிக உடல் பருமன், நீரிழிவு நோய், இதய நோய், நோயெதிர்ப்பு அமைப்பு போன்றவற்றில் பல பாதிப்புகளை உண்டாக்குகிறது.அதிலும் சிலர் தக்காளி கெட்ச் அப் அதிகமாக சேர்த்து சாப்பிடுவது உண்டு.

​பூஜ்ய ஊட்டச்சத்து மதிப்பு

தக்காளி கெட்ச்அப் அல்லது தக்காளி சாஸில் எந்தவொரு புரோட்டீன் சத்தும் இல்லை. அதே போன்று நார்ச்சத்துக்கள், விட்டமின்கள் மற்றும் மினரல்கள் என எதுவும் இல்லை. தக்காளி சாஸில் சர்க்கரை மற்றும் சோடியம் அதிகளவில் உள்ளது. எப்போதாவது என்றால் அது பரவாயில்லை. ஆனால் தினமும் தக்காளி சாஸ் சேர்த்து தான் உணவே என்றால் அது நிச்சயம் உங்கள் உடல் ஆரோக்கியத்தை பதம் பார்க்கவே செய்யும்.

 

குறிப்பு

ஆரோக்கியமான உணவுகளே என்றாலும் தொடர்ந்து அதை எடுத்துகொள்வதன் மூலம் உடலில் குறிப்பிட்ட வைட்டமின் அதிகரிக்க கூடும். அது உடல் நலனுக்கு இல்லை என்னும் போது இது ஊட்டச்சத்து இல்லாத நாவுக்கு சுவை தரும் உணவு என்பதால் இதை அளவாக தான் எடுக்க வேண்டும். ஒவ்வொரு முறை நீங்கள் வாங்கும் போதும் அதில் கலந்திருக்கும் மூலப்பொருள் கவனித்து வாங்குவதும் நல்லது.

LEAVE A REPLY

Please enter your comment!
Please enter your name here