Home cinema Vijay பிக் பாஸ் ஆரியை கொண்டாடும் விஜய் ரசிகர்கள்: ஏன் தெரியுமா?

Vijay பிக் பாஸ் ஆரியை கொண்டாடும் விஜய் ரசிகர்கள்: ஏன் தெரியுமா?

ராஜமித்ரன் எழுதி, இயக்கியுள்ள அலேகா படத்தில் ஆரி ஹீரோவாக நடித்துள்ளார். பிக் பாஸ் 2 சீசன் புகழ் ஐஸ்வர்யா தத்தா அவருக்கு ஜோடியாக நடித்திருக்கிறார். குழந்தை கடத்தலை மையமாக வைத்து எடுக்கப்பட்டிருக்கும் அலேகா படத்தின் ட்ரெய்லர் வெளியாகி ரசிகர்களை கவர்ந்துள்ளது. அந்த ட்ரெய்லரை விஜய் ரசிகர்கள் சமூக வலைதளங்களில் அதிக அளவில் ஷேர் செய்துள்ளனர்.

ஆரி பட ட்ரெய்லரை விஜய் ரசிகர்கள் ஏன் கொண்டாடுகிறார்கள் என்று நினைக்கிறீர்களா?. அலேகா படத்தில் ஆரியின் பெயர் ஜோசப் விஜய். இந்த ஒரு காரணம் போதாதா விஜய் ரசிகர்கள் ஆரியை கொண்டாட?. மேலும் தன் பெயர் ஜோசப் விஜய் என்று ஆரி சொன்ன விதமும் தளபதி போன்று இருந்தது.

விஜய் ரசிகர்கள் தன் பட ட்ரெய்லரை கொண்டாடுவது பிக் பாஸ் 4 வீட்டில் இருக்கும் ஆரிக்கு தெரிந்திருக்க வாய்ப்பில்லை. பிக் பாஸ் 4 நிகழ்ச்சியில் கலந்து கொண்டுள்ள ஆரி பலருக்கும் பிடித்த போட்டியாளராக இருக்கிறார். நேரத்திற்கு தகுந்தது போன்று நடிக்காமல் உண்மையாக இருக்கிறார் ஆரி என்று பிக் பாஸ் 4 வீட்டில் இருந்து வெளியே வந்தவர்களே தெரிவித்துள்ளனர்.

பிக் பாஸ் 4 டைட்டிலை ஆரி தான் வெல்வார் என்று எதிர்பார்க்கப்படுகிறது. ஆரிக்காக ட்விட்டரில் ஆர்மி எல்லாம் துவங்கியுள்ளனர். அந்த ஆரி ஆர்மிக்காரர்களும் அலேகா ட்ரெய்லரை அதிக அளவில் ஷேர் செய்துள்ளனர். அதே சமயம் ஆரியை பிடிக்காத பிக் பாஸ் பார்வையாளர்களோ அவரை விளாசிக் கொண்டிருக்கிறார்கள்.

பிக் பாஸ் வீட்டில் திறமையாக நடிப்பது போன்று ஆரியால் ஏன் படங்களில் நடிக்க முடியவில்லை என்று சிலர் கிண்டல் செய்துள்ளனர். ஆரி பிக் பாஸ் வீட்டில் அவராக இல்லை என்றும், திறம்பட நடிக்கிறார் என்றும் சிலர் தொடர்ந்து கூறி வருகின்றனர் என்பது குறிப்பிடத்தக்கது.

பிக் பாஸ் 3 சீசன் மூலம் பிரபலமான லோஸ்லியா ஆரியுடன் சேர்ந்து ஒரு படத்தில் நடிக்க ஒப்பந்தமாகியுள்ளார். அந்த படத்தில் ஸ்ருஷ்டி டாங்கேவும் இருக்கிறார்.

LEAVE A REPLY

Please enter your comment!
Please enter your name here