Home மருத்துவம் இரைப்பு, சளி, இருமல் தொல்லையை போக்கும் ஒரு சிறந்த சித்த மருத்துவம்

இரைப்பு, சளி, இருமல் தொல்லையை போக்கும் ஒரு சிறந்த சித்த மருத்துவம்

மாத்திரைகள் இல்லாத காலங்களில் மூலிகை கொண்டு தான் பல நோய்களுக்கும் வைத்தியம் பார்க்கப்பட்டது . பெரும்பாலும் மூலிகைகள் பக்க விளைவு இல்லாதவை. அப்படி சளி, இருமல். இரைப்பைக்கு அதிகம் பயன்படுத்தப்பட்ட மூலிகையில் முக்கியமானது உத்தாமணி ஆகும்.

இது உத்தமமாகாணி, உத்தமக் கன்னிகை, அச்சாணி மூலி, உத்தம தாளி, வேலிப்பருத்தி என்ற பெயர்களால் அழைக்கப்படுகிறது. வேலியொரங்களி இயல்பாக படர்ந்து கிடப்பதால் இது வேலிப்பருத்தி என்று அழைக்கப்படுகிறது. மேலும் இந்த செடியின் காய் முற்றி வெடிக்க்கும் போது பஞ்சு சூழ்ந்த விதைகள் காற்றில் மிந்தது வேலியோரங்களில் விழுந்து கொடியாக வளரும். அதனால் இது கிராமங்களில் வேலிப்பருத்தி என்ற அடையாளத்துடன் அழைக்கப்படுகிறது. சித்த மருத்துவர்கள் இதை உத்தாமணி என்று குறிப்பிடுகிறார்கள். எளிதாக கிடைக்கும் இதை கொண்டு என்ன மருத்துவம் செய்யலாம் என்று பார்க்கலாம்.

​சளி, கோழை பிரச்சனைக்கு உத்தாமணி

குழந்தைகளுக்கு அடிக்கடி சளி, இருமல் வந்தால் நெஞ்சில் கோழைக்கட்டி கொண்டு அவதிப்படுபாவர்கள். உடலில் முழுமையான சளியை வெளியேற்றுவதன் மூலம் இந்த உபாதை குறையலாம்.

உத்தாமணி இலையை எடுத்து சுத்தம் செய்து இலேசாக நீர்விட்டு அரைத்து சாறெடுக்கவும். சாறை அகலமான கிண்ணத்தில் விட்டு அதில் கருமிளகை சேர்க்கவும். மிளகு சாறில் ஊறியிருக்க வேண்டும். சாறு முழுவதையும் மிளகு ஈர்த்த பிறகு மீண்டும் சாறு விட்டு அதே போல் மிளகை ஊறவிட்டு உலர்த்தவும். இது போல் ஐந்து முதல் 7 முறையாவது மிளகில் இலைச்சாறு விட்டு காயவைத்து பொடிக்கவும்.

நன்றாக மைய பொடித்து மெல்லிய துணியில் போட்டு சலித்து வைக்க வேண்டும்.குழந்தைக்கு சளி உபாதை வரும் போது அவர்கள் வயதுக்கேற்ப 100 மில்லி முதல் 250 மில்லி வரை தேனில் குழைத்து கொடுக்கவும். இது குழந்தையின் சளியை முற்றிலும் போக்கும். மேலும் காய்ச்ச, குளிர் நடுக்கம், வலிப்பு நோய், உடல் குளுமை போன்றவை நீங்கும்.

​நெஞ்சு சளி அதிகமாக இருந்தால்

குழந்தைக்கு நெஞ்சு சளி இருக்கும் போது எப்போதும் மூச்சு விட திணறுவார்கள். தூங்கும் போது இன்னும் சிரமப்படுவார்கள் நெஞ்சு சளி கரைந்து வெளியேறினால் தான் இயல்பு நிலைக்கு திரும்புவார்கள். மூச்சுவிடுதலில் சிரமம் இருக்காது.

நெஞ்சு சளி கட்டிகொண்டு இருக்கும் போது உத்தாமணீ இலைச்சாறை எடுத்து 5 முதல் 10 மில்லி வரை குடிக்க செய்தால் சளி வாந்தியாக வெளியேறும். எஞ்சியிருப்பவை மலத்தில் வெளியேறும். குழந்தைகள் போன்று பெரியவர்களுக்கும் இதை கொடுக்கலாம். கோழைக்கட்டு மார்ச்சளி இருக்கும் போது இதை குடித்தால் எளிதாக சளி வெளியேறும். நுரையீரலுக்கு அருமருந்தாக இருப்பதோடு அதை சுத்தம் செய்யவும் கூடும்.

​கழிசலை போக்கும் மருந்து

குழந்தைகளுக்கும் பெரியவர்களுக்கும் கழிச்சல் உபாதை இருந்தால் உத்தாமணியை மருந்தாக்கி கொடுப்பார்கள். உத்தாமணி இலையை எடுத்து சாறாக்கி அதில் உப்பு, பிள்ளை வளர்த்தியின் கரிப்பகுதி சேர்த்து அடுப்பை மிதமானத்தீயில் வைத்து காய்ச்சவும். அடிபிடிக்காமல் கிளறிகொண்டே இருக்கவும். இந்தசாறு வற்றி அதன் மருத்துவ குணங்கள் உப்பில் ஏறி உப்பு உறையும் போது அடுப்பை அணைக்கவும்.

குழந்தைகளுக்கு 50 மில்லி அளவு எடுத்து வெந்நீரில் கலந்து அல்லது தேனில் நனைத்து கொடுத்தால் கழிச்சல் குணமாகும்.உத்தாமணீ இலையில் இருக்கும் டானின்கள் வயிற்றூப்போக்கை குணப்படுத்துகிறது. பெரியவர்களும் சற்று அளவை கூட்டி எடுத்தால் நோய் தீரும். உத்தாமணி கருக்கு என்று அழைக்கப்படும் இந்த வெள்ளை நிற பொடியை மாந்தம், செரிமானக்கோளாறுகள் போன்றவற்றுக்கும் மருந்தாக பயன்படுத்தலாம்.

​ஆஸ்துமா தீவிரம் தடுக்க

ஆஸ்துமா நோயை கொண்டிருப்பவர்களுக்கு மூச்சு விடுதலில் சிரமம் இருக்கும். இது குளிர் காலங்களிலும் மழைக்காலங்களிலும் தீவிரமாக இருக்கும். ஆஸ்துமா தலை தூக்கும் போது இந்த இலைச்சாறை வெதுவெதுப்பான நீரில் கலந்து குடித்தால் ஆஸ்துமா தீவிரமாகாமல் தடுக்கப்படும். சித்த மருத்துவத்தில் உத்தாமணி இலையின் சாறு கொண்டு தயாரிக்கப்படும் மருந்து நுரையீரல் பாதையை சுத்தம் செய்து மூச்சு விடுதலை எளிதாக்கும்.

 

ஆஸ்துமா எல்லா காலங்களிலும் பெரும் உபாதையை தந்தால் உத்தாமணி பொடியை நாட்டு மருந்து கடையில் வாங்கி தேனில் குழைத்து தினமும் சாப்பிட்டு வந்தால் நல்ல பலன் கிடைக்கும். உத்தாமணி இலையோடு சில மருந்துகள் சேர்த்து தயாரிக்கப்பட்டு அவை உடலுக்கு வலுவூட்டவும் நோய் எதிர்ப்பு சக்தி மேம்படுத்தவும் பயன்படுத்தப்படுகிறது.

​குடல் புழுக்கள்

வயிற்றி பூச்சிகள் வெளிவர மாத்திரைகளை ஆறுமாதங்களுக்கு ஒரு முறை குழந்தைக்கு கொடுப்பது உண்டு. மருந்துக்கு பதிலாக தொடர்ந்து மூன்று நாட்கள் காலையில் வெறும் வயிற்றில் உத்தாமணி இலை சேர்த்து கொதிக்க வைத்து அந்த நீரோடு வசம்பை சேர்த்து உரசி 5 மில்லி அளவு காலையும் மாலையும் குடித்து வந்தால் புழுக்கள் வெளியேறும். பெரியவர்களும் குடித்து வரலாம்.

​வாத நோயும், மூட்டுகள் வீக்கமும்

உத்தாமணி இலையை எடுத்து உரலில் இடித்து நீர் சேர்க்காமல் அரைத்து துணியில் முடிச்சி போடவும். இதை கனமான தோசைக்கல் மீது வைத்து சூடாக்கி எடுத்து மூட்டு விக்கம் இருக்கும் பகுதியில், ரத்தகட்டு இருக்கும் பகுதியில் வைத்து ஒத்தடம் கொடுத்தால் உபாதை நீங்கும்.

 

இலையை அப்படியே வாணலியில் வதக்கியும் மூட்டுவலி. இடுப்பு வலிக்கு ஒத்தடம் கொடுத்துவந்தால் நிவாரணம் கிடைக்கும். காயங்கள் உண்டாகும் போது உத்தாமணி வேர் பயன்படுத்துவதன் மூலம் அந்த இடத்தின் மீள் திசுக்களின் வளர்ச்சியை அதிகரித்து காயத்தை ஆற்றுகிறது. இதில் இருக்க்கும் டெர்பினாய்டுகள் இந்த பணியை செய்வதாக ஆய்வு கண்டறிந்துள்ளது.

​ரத்த அழுத்தம்

ரத்த அழுத்தம் இருப்பவர்கள் உத்தாமணீ சாறை பக்குவமான முறையில் எடுத்து வந்தால் ரத்த அழுத்தம் சீராகும். உத்தாமணி இலையை சுத்தம் செய்து ஒரு டம்ளர் பசும்பாலில் சேர்த்து கொதிக்க வைத்து அதை அரைத்து உருண்டையாக்கி சாப்பிட்டு வர வேண்டும். தினமும் காலையில் 6 மணிக்குள் இதை சாப்பிட வேண்டும். தொடர்ந்து ஒரு மண்டலம் அளவு சாப்பிட்டு வந்தால் இரத்த அழுத்தம் கட்டுக்குள் வரும். பக்கவிளைவுகள் எதுவும் வரவும் செய்யாது.

 

விலங்குகளுக்கு உத்தாமணி இலை சாறு கொடுத்து ஆய்வு செய்ததில் அதன் சர்க்கரை அளவு குறைத்தது கண்டறியப்பட்டுள்ளது.

LEAVE A REPLY

Please enter your comment!
Please enter your name here