Home Beauty கருவளையமே இல்லாமல் செய்யணுமா?????

கருவளையமே இல்லாமல் செய்யணுமா?????

19
0

நமது சருமத்தில் கண்களை சுற்றியுள்ள சருமம் மிக மென்மையானது. சருமம் நீரிழப்பில் இருக்கு போது மென்மையான இந்த பகுதியில் ரத்த நாளங்களில் உண்டாக்கும் மாற்றத்தால் கண்களின் கீழ் கருவளையங்கள் வருகிறது. அதே நேரம் அதிகப்படியான திரவம் அங்கு தேங்கி வீக்கத்தை உண்டு செய்கிறது. இவை தவிர மரபியில், தூக்கமின்மை, வயதான தோற்றம், காஃபின், ஆலகஹால், அதிக இனிப்பு என எல்லாமே இந்த பாதிப்பை அதிகரிக்க செய்கிறது.


இந்த பாதிப்பை குறைக்க ஹைட்ரேட்டிங் உணவு பழக்கம் மற்றும் ஆக்ஸிஜனேற்றிகள் சருமத்துக்கு நல்ல வித்தியாசத்தை உண்டாக்குகிறது. தாதுக்கள், வைட்டமின்கள், கனிமங்கள் நிறைந்த உணவுகள் கண்களின் கீழ் இருக்கும் கருவளையம் போக்குவதோடு அங்கு தேங்கியிருக்கும் திரவங்களையும் சமப்படுத்த உதவுகிறது. அப்படியான பழங்கள் மற்றும் காய்கறிகள் குறித்து பார்க்கலாம்.

தக்காளி

தக்காளி தரும் சரும ஆரோக்கியம் கணக்கிலடங்காதவை. சருமத்தை ஆரோக்கியமாக வைத்திருப்பதன் மூலம் கண்களுக்கு கீழ் கருவளையம் வராமல் தடுக்க முடியும். தக்காளியில் ஆண்டி ஆக்ஸிடண்ட்கள் அதிகம் உள்ளது. மேலும் இதில் இருக்கும் லைகோபீன் ரத்த நாளங்களை பாதுகாக்க உதவும். தக்காளியில் இருக்கும் வைட்டமின் சி மற்றும் வைட்டமின் கே, பொட்டாசியம் வளமான அத்தியாவசியமான மூலமாகும். இது ஆரோக்கியமான சருமத்தை அளிக்க செய்கிறது.

இது ரத்த ஓட்டத்தை அதிகரிக்க செய்வதன் மூலம் கண்களுக்கு கீழ் உள்ள மென்மையான தோலை பாதுகாக்க செய்கிறது. மேலும் இதில் உள்ள வைட்டமின் சி ஆனது சருமத்தை பாதிக்கும் ஃப்ரீ ரேடிக்கல்களிலிருந்தும் பாதுகாக்க செய்கிறது. வைட்டமின் சி நிறைந்த ஆரஞ்சு, பப்பாளி, பரக்கோலி போன்ற உணவுகள் அடிக்கடி டயட்டில் சேர்த்து வாருங்கள்.

​வெள்ளரிக்காய்

அதிக நீர்ச்சத்து நிறைந்தது வெள்ளரிக்காய் இது சருமத்தை ஃப்ரெஷ்ஷாக வைத்திருக்க செய்கிறது. வெள்ளரிக்காய் எடுத்துகொள்வது சருமத்தில் கொலாஜன் உற்பத்தியை அதிகரிக்க செய்கிறது.சருமத்தின் சீரற்ற தன்மையை எதிர்க்க செய்கிறது. வெள்ளரிக்காயில் வைட்டமின்கள் ஏ, கே, மற்றும் சி போன்றவை நிறைந்துள்ளன.

இது ரத்த உறைதல், ரத்த நாளங்களின் நெகிழ்ச்சி மற்றும் ரத்த உறைவு போன்றவற்றை மேம்படுத்துகின்றன. வெள்ளரி துண்டுகளை கண்களின் கீழ் வைப்பதோடு மட்டுமல்லாமல் அதை உள்ளுக்கு எடுத்துக்கொள்ளுங்க.ள். வெள்ளரிக்காயை சாலட் ஆகவோ, அல்லது அப்படியேவோ சாப்பிடலாம்.

​பச்சை காய்கறிகள்

ப்ரக்கோலி, கீரைகள், தைம் போன்ற பச்சை காய்கறிகள் வைட்டமின் கே சத்தை உள்ளடக்கியவை. இது சரும நிறமாற்றம் மற்றும் வீக்கத்தை குறைக்கும் வகையில் ரத்த ஓட்டத்தை மேம்படுத்துகிறது. சேதமடைந்த தோல் மோசமான ரத்த ஓட்டத்தின் அறிகுறியாகும். இந்த அடர்ந்த பச்சை நிற காய்கறிகள், கீரை வகைகள் சிறந்த பலனை சருமத்துக்கு கொடுக்கவல்லது.

​வைட்டமின் இ

வைட்டமின் இ நிறைந்த உணவுகள் தோல் நெகிழ்ச்சியை பாதிக்கும் என்சைம்களை எதிர்த்து போராடக்கூடியவை. வைட்டமின் இ சுருக்கங்கள் மற்றும் வயதை உண்டாக்கும் ஃப்ரீ ரேடிக்கல்களை எதிர்க்க செய்கிறது. மேலும் இது சருமத்தில் கருவளையங்களை அகற்றவும் உதவுகிறது. வைட்டமின் இ கொண்ட எள், பாதாம், சூரியகாந்தி விதைகள், கீரைகள், ப்ரக்கோலி போன்றவை வைட்டமின் இ நிறைந்த உணவு ஆதாரங்கள்.

தர்பூசணி

தர்பூசணி பீட்டா கரோட்டின் மற்றும் ஆக்ஸிஜனேற்றங்கள் நிறைந்தவை. இது 92% நீர்ச்சத்து கொண்டவை. இது உடலை டீஹைட்ரேட் ஆகாமல் ஹைட்ரேட் ஆக வைத்திருக்க செய்கிறது. மேலும் தர்பூசணியில் வைட்டமின்கள் பி 1, பி6 மற்றும் வைட்டமின் சி , பொட்டாசியம், மெக்னிசியம் போன்றவையும் உள்ளது. கண் ஆரோக்கியத்தை அதிகரிக்கும் தர்பூசணியை கிடைக்கும் காலத்தில் தவிர்க்காமல் எடுத்துகொள்ளுங்கள்.

​ப்ளூபெர்ரி

பழங்களை சேர்க்கும் போது ப்ளூபெர்ரியை தவிர்க்காதீர்கள். இது ஒமேகா 3, வைட்டமின்கள் கே, வைட்டமின்கள் சி மற்றும் மாங்கனீசு போன்றவற்றை கொண்டுள்ளது. இது கண்களின் ஆரோக்கியத்துக்கு அவசியமானது. இது இரத்த நாளங்களை பாதுகாக்க உதவுகிறது.

இதில் இருக்கும் லூடின் மற்றும் ஆந்தோசயின்கள் பிரதான மூலம். இதுதான் இரத்த நாளங்களை பாதுகாக்க செய்கிறது. தினமும் சிற்றுண்டிக்கு மாற்றாக இதையும் சேர்க்கலாம்.

​பீட்ரூட்

பீட்ரூட்டில் உள்ள சிவப்பு நிறமி உடல் நச்சுத்தன்மையை வெளியேற்ற செய்கிறது. இது கண் ஆரோக்கியத்துக்கு நன்மை செய்யகூடிய ஆக்ஸிஜனேற்றிகளை கொண்டுள்ளது. பீட்ரூட்டில் இருக்கும் போலேட், மெக்னீசியம், வைட்டமின் சி கருவளையம் குறைப்பில் உதவுகிறது. தினசரி 85 கிராம் வரையிலான பீட்ரூட் எடுத்துகொள்ளுங்கள். சாறாகவோ, சாலட் ஆகவோ, பொரியலாகவோ எடுத்துகொள்ளலாம்.

​பப்பாளி

பப்பாளி வைட்டமின் ஏ நிறைந்துள்ள பழம். இது கருவளையத்திலிருந்து விடுபட உதவுகிறது. சருமம் வயதான எதிர்ப்பு தன்மையை குறைய செய்யும் குணங்களை இது கொண்டுள்ளது. பப்பாளியில் மெக்னீசியம், வைட்டமின் சி உள்ளது. இது இயற்கையான ப்ளீச்சிங் போன்று செயல்படுகிறது கருவளையங்களை அகற்றி சருமத்தை பாதுகாக்க செய்கிறது.

நீர்

தினமும் போதுமான நீர் குடிப்பது கண்களுக்கு கீழ் இருண்ட வட்டங்களை போக்க கூடும். உடலில் இருக்கும் நச்சுக்கள் வெளியேற்றி, கண்களின் கீழ் திரவங்கள் சேராமல் தடுக்கிறது.

கருவளையம் வந்த உடன் க்ரீம் வகைகளை நாடி ஓடாமல் நிரந்தர தீர்வு பெறுவதற்கு உங்கள் டயட்டில் இந்த உணவுகளையும் சேருங்கள். நிச்சயம் கருவளையம் இல்லாத அழகான கண்களை பெறுவீர்கள்.

LEAVE A REPLY

Please enter your comment!
Please enter your name here