Home cinema மாஸ்டர் படம் பார்க்க ஹைதராபாத்தில் இருந்து சென்னைக்கு வந்த இயக்குநர்

மாஸ்டர் படம் பார்க்க ஹைதராபாத்தில் இருந்து சென்னைக்கு வந்த இயக்குநர்

ஹைலைட்ஸ்:
மாஸ்டருக்காக சென்னைக்கு பறந்து வந்த இயக்குநர்
விஜய் படம் பார்க்க ஹைதராபாத்தில் இருந்து சென்னை வந்த இயக்குநர்

லோகேஷ் கனகராஜ் இயக்கத்தில் விஜய், விஜய் சேதுபதி, மாளவிகா மோகனன், ஆண்ட்ரியா, அர்ஜுன் தாஸ் உள்ளிட்டோர் நடித்துள்ள
மாஸ்டர் படம் இன்று தியேட்டர்களில் வெளியாகியுள்ளது. முதல் நாள் முதல் காட்சியை பார்க்க அதிகாலையிலேயே ரசிகர்கள் தியேட்டர்களில் குவிந்தார்கள்.

மாஸ்டர் விமர்சனம்

அதிலும் குறிப்பாக சென்னையில் இருக்கும் தியேட்டர்கள் திருவிழாக்கோலம் பூண்டுள்ளது. அதிகாலையில் ரசிகர்கள் செல்போன் டார்ச்சுடன் மாஸ்டரை வரவேற்று அமர்க்களப்படுத்தினார்கள். மேலும் தியேட்டர் வளாகத்தில் வைக்கப்பட்டிக்கும் விஜய்யின் பேனருக்கு பாலாபிஷேகம் எல்லாம் செய்தார்கள்.

பாலாபிஷேகம் செய்யப்பட்டபோது எடுக்கப்பட்ட வீடியோ வெளியாகி ரசிகர்களை கவர்ந்தது. மாஸ்டர் படம் பார்த்த விஜய் ரசிகர்கள் அனைவரின் முகத்திலும் பூரிப்பாக உள்ளது. விஜய்ணாவை வைத்து இப்படி ஒரு அருமையான படத்தை கொடுத்த லோகேஷ் கனகராஜை என்றுமே மறக்க மாட்டோம் என்று ரசிகர்கள் தெரிவித்துள்ளனர்.

மாஸ்டர் படத்தை சினிமா ரசிகர்கள் மட்டும் அல்ல பிரபலங்களும் தியேட்டர்களில் பார்த்து ரசிக்கிறார்கள். கீர்த்தி சுரேஷ் முதல் நாள் முதல் காட்சியையே பார்த்துவிட்டார். இந்நிலையில் அசோக் செல்வன், ரித்திகா சிங்கை வைத்து ஓ மை கடவுளே படத்தை இயக்கிய அஸ்வத் மாரிமுத்துவுக்கும் மாஸ்டரை பார்க்கும் ஆசை ஏற்பட்டது.

 

மாஸ்டர் படத்தை சென்னையில் ரசிகர்களுடன் சேர்ந்து பார்க்க விரும்பினார். இதையடுத்து ஹைதராபாத்தில் இருந்து விமானம் மூலம் சென்னைக்கு வந்தார். விமானத்தில் எடுத்த செல்ஃபியை ட்விட்டரில் வெளியிட்டு அஸ்வத் மாரிமுத்து கூறியிருப்பதாவது,

மாஸ்டர் மற்றும் தளபதிக்காக மட்டுமே ஹைதராபாத்தில் இருந்து சென்னைக்கு என்று தெரிவித்துள்ளார்.

அஸ்வத்தின் ட்வீட்டை பார்த்த விஜய் ரசிகர்கள், வாங்கண்ணா சேர்ந்து படம் பார்க்கலாம் என்று கூறியுள்ளனர்.

LEAVE A REPLY

Please enter your comment!
Please enter your name here