Home Health & Fitness குழந்தைங்க உடலில் நீர்ச்சத்து குறைபாடில்லாம இருக்க இந்த ஐந்தும் கொடுங்க

குழந்தைங்க உடலில் நீர்ச்சத்து குறைபாடில்லாம இருக்க இந்த ஐந்தும் கொடுங்க

வளரும் பிள்ளைகளின் உடல் டீஹைட்ரேட் ஆகாமல் அம்மாக்கள் பார்த்துகொள்ள வேண்டும். வளரும் பிள்ளைகள் ஒரே இடத்தில் இல்லாமல் எப்போதும் ஓடிக்கொண்டே இருப்பார்கள். இதனால் மழைக்காலங்களிலும் கூட வியர்வை வெளிப்படக்கூடும்.

உடலுக்கு வேண்டிய நீர்ச்சத்து கோடைக்காலங்களில் அதிகமாக இருக்கும் என்றாலும் குளிர்காலங்களிலும் குழந்தைகள் நீர்ச்சத்து பற்றாக்குறைக்கு ஆளாவார்கள். காரணம் போதுமான நீரை குடிக்காததே ஆகும். போதுமான நீர்ச்சத்து இல்லாத போது உடலில் நீர் பற்றாக்குறையோடு சோடியம், பொட்டாசியமும் உடல் இழக்கும். திட உணவுகளை குறைப்பதோடு நீரின் அளவும் குறைவதால் குழந்தைகள் எளிதாக நீர்ச்சத்து குறைபாட்டுக்கு ஆளாவார்கள். இதை தடுக்க அவர்களுக்கு இந்த பானங்களையும் தவிர்க்காமல் அவ்வபோது கலந்து கொடுங்கள். இது நீர்ச்சத்தோடு உடல் ஆரோக்கியத்துக்கும் பெருமளவு உதவும்.

​போதுமான நீரை கொடுங்கள்

குழந்தைகள் எப்போதும் தண்ணீர் கேட்டு குடிப்பது அரிது. வளரும் பிள்ளைகளாக இருந்தாலும் உணவின் போது குடிப்பதோடு நாள் முழுக்க விளையாடினாலும் தாகம் உணர்வது குறைவானதுதான்.

பிள்ளைகளுக்குபோதுமான அளவு தண்ணீரை குடிக்க வைக்க வேண்டும். மற்ற பானங்களை விட தண்ணீர் அவர்களது வேகமான வளர்ச்சிக்கு உடல் மற்றும் வளர்சிதை மாற்றத்துக்கு, மூளையின் செயல்பாட்டுக்கு சிறந்த ஆதாரமாக இருக்கும்.

சொல்லபோனால் வளர்ந்தவர்களை காட்டிலும் வளரும் பிள்ளைகளுக்குத்தான் போதுமான நீர் தேவை. இது கலோரிகளை வழங்காது என்பதோடு வளரும் பிள்ளைகள் உடல்பருமன் பிரச்சனைகளையும் சந்திக்கமாட்டார்கள்.

நீரிழப்பு இருக்கும் போது மலச்சிக்கல், மூளையின் செயல்பாட்டில் மந்தம், சோர்வு போன்றவற்றை கொண்டிருப்பார்கள். குறிப்பிட்ட இடைவெளி என்று இல்லாமல் ஒவ்வொரு மணி நேரத்துக்கும் பிள்ளைகள் கையில் ஒரு டம்ளர் தண்ணீர் கொடுத்து குடிக்க வையுங்கள்.

​சுவையான கலவை நீர்

சுவையில்லாத தண்ணீர் அதிகம் குடிப்பதை சில பிள்ளைகள் விரும்பமாட்டார்கள். அவர்களுக்கு சுவையானசேர்க்கையோடு கலந்த நீர் கொடுக்கலாம்.

சர்க்கரை மற்றும் கலோரிகள் இல்லாத பழங்கள், மூலிகைகள் கலந்து தண்ணீரை கொடுக்கலாம். எனினும் உங்கள் குழந்தைக்கு பிடித்த சுவையை பழக நீங்கள் பலசுவைகளை அவர்களுக்கு பழக்கப்படுத்த வேண்டும்.

அன்னாசிப்பழம், புதினா, வெள்ளரி தர்பூசணி, அவுரி நெல்லி, ராஸ்பெர்ரி, ஸ்ட்ராபெர்ரி, எலுமிச்சை, ஆரஞ்சு சாறு, சீரகம், ஓமம் என தினம் ஒன்றாக கலந்து கொடுத்து அவர்களுக்கு சுவை ஊட்டலாம். அதோடு இவை எல்லாமே ஆரோக்கியமான பானங்களும் கூட என்பதோடு குழந்தைகளை நீரேற்றமாக வைத்திருக்க உதவும் பானங்கள் கூட.

இளநீர்

பெரும்பாலான அம்மாக்கள் பிள்ளைகளுக்கு இளநீர் பழகுவது அரிதாகவே இருக்கிறது. ஆனால் இளநீரில் கலோரிகள், சர்க்கரை இருந்தாலும் மற்ற செயற்கை பானங்களை விட இது ஆரோக்கியமான பானங்கள் தான் என்பதை மறுப்பதற்கில்லை. இளநீரில் வைட்டமின் சி, மெக்னீசியம் மற்றும் பொட்டாசியம் போன்ற ஊட்டச்சத்துகள் உள்ளது. இது வளரும் பிள்ளைகளுக்கு தேவையான சத்து.

 

பொட்டாசியம், மெக்னீசியம், கால்சியம் மற்றும் சோடியம் போன்ற எலக்ட்ரோ லைட்டுகளும் இருப்பதால் வியர்வை மூலம் இழக்கும் சத்துக்களை பிள்ளைகள் இதில் பெற்றுவிடுகிறார்கள். பிள்ளைகளுக்கு வயிற்றுப்போக்கு, வாந்தி உண்டாகும் போது உடலில் நீரிழிப்பு ஏற்படும் போது அதை ஈடு செய்ய இவை உதவும். இளநீரை அப்படியே வெட்டி ஃப்ரெஷ்ஷாக கொடுங்கள்.

பழச்சாறுகள்

பழங்கள் எப்போதும் சுவையானது. குழந்தைகள் சில பழங்களை மட்டுமே விரும்பி சாப்பிடுவார்கள். எல்லா பழங்களும் குழந்தைகளுக்கு சேர வேண்டும். பழங்களை சாறாக்கி கொடுப்பதை காட்டிலும் நறுக்கி கொடுப்பதுதான் சிறந்தது

ஆனால் பழங்களை மென்று சாப்பிட சோம்பல் படுகிறார்கள் என்று கவலை கொள்ளும் அம்மாக்கள் இரண்டு நாளைக்கு ஒருமுறையாவது குழந்தைகளுக்கு ஒரு டம்ளர் பழச்சாறு கொடுத்து விடுங்கள்.

அதே நேரம் பழச்சாறு வெளியில் இருந்து கொடுக்காமல் வீட்டில் தயாரித்து கொடுப்பது நல்லது. அதிலும் பழத்தில் இயற்கையாகவே சர்க்கரை இருக்கும் என்பதால் சர்க்கரை சேர்க்காமல் கொடுப்பது ஆரோக்கியமானது. உணவு இடைவேளையில் பழச்சாறு கொடுங்கள். அப்படியே பழங்களை அப்படியே சாப்பிட பழக்குங்கள்.இதுவும் உங்களை நீரேற்றமாக வைத்திருக்க செய்யும்.

பால்

பால் தினமும் குழந்தைகளுக்கு கொடுப்பது தான். ஆனால் சில பிள்ளைகள் பாலை விரும்புவதில்லை. மாறாக சாக்லேட் அல்லது ஸ்ட்ராபெர்ரி கலந்த பானங்களை பிள்ளைகள் விரும்பினாலும் அதை தவிர்த்து இனிப்பு சேர்க்காத பாலை கொடுப்பது நல்லது.

பால் பிள்ளைகளின் வளர்ச்சிக்கு தேவையான முக்கியமான ஊட்டச்சத்தை அளிக்க கூடியது. பாலில் புரதம், கால்சியம், பாஸ்பரஸ் மற்றும் மெக்னீசியல் உள்ளது. இது பிள்ளைகளின் எலும்பு ஆரோக்கியத்துக்கு வேண்டிய அத்தியாவசிய ஊட்டச்சத்துகள் உள்ளடக்கியுள்ளது.

மேலும் எலும்பு ஆரோக்கியத்துக்கு தேவையான வைட்டமின் டி பலப்படுத்தவும் செய்கிறது. பாலில் இருக்கும் கொழுப்பு குழந்தைகளின் ஒட்டு மொத்த மூளை வளர்ச்சிக்கு தேவையானதாக இருக்கிறது. அதனால் க்ரிம் பாலையும் தேர்வு செய்யலாம்.

பிள்ளைக்கு பால் சகிப்புத்தன்மை இருந்தால் பாலுக்கு மாற்றாக தாவரப்பால் தேர்வு செய்யலாம். சணல், தேங்காய்ப்பால், பாதாம்பால், அரிசி, சோயாபால் போன்றவை உதவக்கூடும்.

LEAVE A REPLY

Please enter your comment!
Please enter your name here